РУСКИ КЕРЕСТУР – На вчерайшей схадзки у Руским Керестуре, Управни одбор (УО) Рускей матки (РМ) одредзел учашнїкох спред своєй орґанизациї и Форуму младих РМ на Тринастим Шветовим конґресу Руснацох/Русинох/Лемкох (ШК РРЛ) и Седмим Шветовим форуме (ШФ) русинскей младежи, хтори од 18. по 21. юний буду у Румуниї, у Деви.
Орґанизациї-членїци Конґресу буду представяц по 10 делеґати и по 5 госци, а спред РМ делеґати буду предсидатель РМ Дюра Папуґа, його заменїк Миломир Шайтош, та Ксения Мученски, др Михайло Фейса, Владимир Бучко, Моника Гарди, Наташа Макаї Мудрох, Владимир Джуня, Мария Дорошки и Юлиян Лазор. Як госци РМ на Конґресу буду Аранка Медєши, Саня Тиркайло, Валентина Чизмар, Владо Няради и Славко Винаї.
Форум младих РМ на ШФ русинскей младежи буду представяц пецеро делеґати – Борис Фейди, Ирена Скубан, Себастиян Няради и Иґор Горняк, а пияти член делеґациї будзе одредзени после Скупштини Форуму младих РМ.
За члена Комисиї за просвиту на ШК предложена Ксения Мученски, за члена Комисиї за културу Миломир Шайтош, Комисиї за видавательну дїялносц и информованє Саня Тиркайло, Комисиї за медзисобне сотруднїцтво и туристични розвой Юлиян Лазор, за предсидателя Комисиї за историю Руснацох др Михайло фейса, а за члена Комисиї за статут ШК Дюра Папуґа.
Бешедоване и о учашнїкох на поетским вечаре под час Конґресу, а на вчерайшей схадзки УО одлучел же за Награду Шветовей ради РРЛ „Василь Тирок Гетеш” РМ предклада „250-рочнїцу конфесийней школи у Коцуре”.
