НОВИ САД – После шветочносци з нагоди означованя 70 рокох виходзеня новинох „Руске слово” у новосадским „Студию М”, пондзелок, 15. юния, малярка з Беркасова Андєлка Античевич, народзена Балащак, Установи подаровала свой малюнок.
Интересантне же панї Андєлка малюнок виробела праве з нагоди ювилею новинох „Руске слово” и вєдно з подпредсидательку Националного совиту Руснацох Наташу Еделински Миколка, членїцу Подручней канцелариї НС у Шидзе Саню Тиркайло и беркасовским парохом о. Владимиром Еделинскийом Миколком, пондзелок го придала директорки Установи Мартици Тамаш.
Андєлка Античевич порядни предплатнїк на новини „Руске слово”, а як подобова уметнїца, свойо роботи викладала на вецей виставох з рижних нагодох.