СЕРБИЯ – Пейцвалентни вакцини од вчера, 6. януара, безплатни за шицки дзеци, понеже на тот дзень почало применьованє вименкох Правилнїку о имунизациї и способе защити з лїками.
У сообщеню з Министерства здравя Републики Сербиї наведзене же з вименками Правилнїка шицки дзеци котрих ше 2014. почало вакциновац з пейцвалентну вакцину – здобуваю право же би того року були безплатно вакциновани.
Пейцвалентна вакцина, хтора хранї дзеци од дифтериї, тетанусу, велького кашлю, дзецинскей парализи и хемофилуса инфлуенци типу Б, прешлого року постала безплатна, алє лєм за дзеци народзени после 1. новембра 2014.
После протестох родичох и реаґованя Защитнїка гражданох Сашу Янковича, же з одредзованьом датума народзеня за безплатни вакцини велї дзеци дискриминовани, Министерство прилапело вименки Закона.
