РУСКИ КЕРЕСТУР – Од нєшка, 22. януара, почню порядни викладаня котри орґанизує Здруженє продуковательох паприґи „Капсикум анум”, у рамикох їх „Жимскей паприґарскей школи”.
Викладаня буду отримовани каждого вовторку и штвартку у ресторану „Червена ружа” з початком на 17 годзин, а присуствовац можу шицки заинтересовани.
Медзи викладачами буду числени компаниї котри ше занїмаю зоз продукцию рижних средствох за прикармйованє и защиту рошлїнох, осиґуруюци хижи и банки, алє и фаховци зоз обласци польопривреди.
На першим нєшкайшим викладаню ше представя компаниї „Мотива”, „Семенарнакоп” и „Аґроґлобе”.