НОВИ САД – Од нєшка, 27. марца, та по нєдзелю, 29. марца, на новосадским СПЕНС-у будзе Фестивал колбаси и шунки, на хторим годно купиц тоти, як и други поживово продукти, та палєнку, вино и меду. Окрем того, буду орґанизовани змаганя у правеню колбасох, та музична програма.
На ютре будзе змаганє у правеню колбаси за печенє, а заинтересовани ше годни змагац процив учашнїкох з Мадярскей, Словацкей и Румуниї.
Музични програми буду шицки три днї од 19 до 21 годзин. Перши дзень наступя бенди „Збогом Брус Ли“ и „Абсолутно романтично“, на соботу Оперета Сеґедин и тамбурови оркестер „Зоруле“, а на нєдзелю тамбурови оркестер „Романса“ и „Фрайли“.