НОВИ САД – Того року 4 464-ом дохтором вишла лиценца за роботу, а вимогу за єй обнавянє придали 3 575 лїкаре, сообщела Реґионална лїкарска комора Войводини.
Мала часц нє сполнєла условия за доставанє лиценци, а 827-еро нє придали вимоги. Єдна часц пошла робиц до иножемства, други пошли до пензиї та нє муша мац лиценцу, а дзепоєдни умарли, потолковали у Комори.
Лиценца доказ же ше дохтор усовершує, провадзи новосци у медицини, цо би мала буц ґаранция за квалитетнєйше лїченє пациєнтох. Зоз участвованьом на семинарох, роботньох и других наукових сходох лїкаре муша назберац 140 боди и так сполнюю условия за доставанє лиценци.