СТАРИ ЯНКОВЦИ/ПЕТРОВЦИ/ВУКОВАР (ГОРВАТСКА) – З нагоди Медзинародного дня мацеринского язика, хтори ше означує 21. фебруара, у Старих Янковцох, Петровцох и Вуковаре буду орґанизовани школски вечари рускей поезиї, дознава Рутенпрес од учителькох руского язика у тих местох Илони Грецешин и Наталиї Гнатко.
Штварти Школски вечар рускей поезиї у Старих Янковцох будзе на ютре, 19. фебруара у просторийох Општини Стари Янковци (на 19,30 г.), а уж 16. Школски вечар рускей поезиї у Петровцох будзе на пондзелок, 22. фебруара у Подручней школи (на 17 г.). У Вуковаре таки вечар перши раз будзе отримани 26. фебруара у ОШ „Антун Бауер”.
На спомнутих школских вечарох рускей поезиї школяре од 1. по 8. класу ОШ котри виучую руски язик и културу у Янковцох и у Подручней школи ОШ „Антун Бауер” у Петровцох, представя поезию Меланиї Пап и Звонка Барну.