ВЕРБАС – Предсидатель Општини Вербас др Братислав Кажич розписал три явни конкурси за финансованє рижних проєктох, здруженьох гражданох и манифестацийох.
Перши конкурс вязани за финансованє-софинансованє проєктох и традицийних манифестацийох за здруженя гражданох, нєвладово орґанизациї и културно-уметнїцки дружтва у 2015. року чийо активносци од значносци за локалну заєднїцу и промоцию Општини, як и медзиопштински и реґионални социялно-гуманитарни орґанизациї хтори зазберую особи зоз здравственима проблемами з општини Вербас.
Други конкурс ше одноши на финансованє-софинансованє проєктох-манифестацийох церквох и вирских заєднїцох у 2015. року. Тоти средства буду розподзелєни за витворйованє будовательней, добродзечней и науковей дїялносци вирских заєднїцох и церквох, хтори вони витворюю спрам закона и других предписаньох.
На треци конкурс за розподзельованє средствох можу конкуровац орґанизациї з обласци спорту, спрам хторого буду финансовани орґанизациї физичней култури и спорту, основни трошки клубох и спортски манифестациї.
Приявйованє за спомнути три општински конкурси тирва по 20. фебруар, а вецей информациї и формулари за конкурси мож найсц сайту Општини Вербас – www.vrbas.net/info/konkursi