ЖАБЕЛЬ – Општина Жабель, у сотруднїцтву зоз Аґенцию за безпечносц транспорту Републики Сербиї, розписала явну поволанку за едукацию за правилне хаснованє автошедзискох, а источашнє родичом котри виполнюю условия конкурсу Општина Жабель додзелї автошедзиска.
Конкурс ше одноши на першородзени дзеци при обидвоїх родичох, а хтори родзени у периодзе од 01. януара 2021. по 28. фебруар 2022. року. Условия хтори родичи треба же би виполньовали то же би голєм єден родитель мал авто у своєй власносци и же би голєм єден родитель мал пребувалїще на териториї ппштини Жабель найменєй два роки. Окрем того, родитель муши присуствовац спомнутей едукациї. Кед же перше дзецко двойнятко и друге дзецко достанє автошедзицко.
За прияву треба однєсц до будинку Општинскей управи фотокопию лєбо очитану особну карточку и очитану транспортне допущенє. Термин за подношенє прияви до 25. марца, по 15 годзин.