ШИД – У сали Скупштини општини Шид вчера oсновани Социялно економски совит Општини Шид у присустве предсидателя општини Зорана Семеновича и покраїнского секретара за привреду и туризем др Ненада Иванишевича, хтори источасно и предшедуюци Покраїнского социялно економского совиту.
Тиж були присутни и представнїки спомнутого секретарияту, Союзу синдикатох Войводини, покраїнского и републично социялно економского совиту, представнїки Униї дїлодавцох и Союзу самостойних синдикатох Войводини и Шиду.
Др Иванишевич з тей нагоди визначел же барз значно же ше у Войводини роби на реактивованю социялно економских совитох як цела и места за заступанє интересох дїлодавцох, синдикатох и ношительох власци.