СЕРБИЯ – Школяре седмих класох котри ше интересую за науку и виглєдовацку роботу, по 15. май ше можу приявиц за програму у Виглєдовацкей станїци Петница, хтора будзе у септембру.
На науково-образовней програми школяре осмих класох (тераз седмих), годни теорийно, практично и з виглєдованьом учиц о рижних обласцох, як цо то астрономия, биолоґия, електронїка, физика, хемия, ґеоґрафия, археолоґия, математика, психолоґия и други.
Як наявене з Петници, програма будзе од 6. по 19. септембер, а на тим двотижньовим семинаре буду участвовац велї науково и фахово сотруднїки тей институциї.
Вецей о програми и способе приявйованя мож опатриц на Петницовим сайту www.petnica.rs