ШИД – Вчера у церкви и парохиї Преображеня Господнього у Шидзе отримана Духовна обнова за священїкох Апостолского еґзархату за грекокатолїкох у Сербиї, на хторей участвовали 13 священїки и еґзарх, владика Георгий Джуджар.
Духовна обнова почала з молитву у церкви, а потим служени парастос за упокоєни духовни особи, владикох, паноцох и панїматки. Парох зоз Сримскей Митровици о. Владислав Варґа отримал духовне слово, а ушлїдзела и вельконоцна споведз священїкох.
У роботней часци того сходу, на парохиї, преосвящени владика Георгий Джуджар священїкох упознал з актуалносцами у нашей церкви.