РУСКИ КЕРЕСТУР – На вчерайшей Месней смотри рецитаторох котра отримана у
Доме култури у Руским Керестуре, перши места у трох возросних катеґорийох
освоєли Исак Новта, Ема Живкович и Валентина Новта.
У младшим возросту перше место освоєл Исак Новта, друге место Доротеа Рамач, а
треце место освоєла Ника Дудаш.
У катеґориї штреднього возросту за найлєпшу рецитаторку вибрана Ема Живкович,
друге место освоєла Яна Варґа, а треци бул Иван Планчак, док у катефориї
найстарших, перше место завжала Валентина Новта, а друге Минеа Югас.
No images have been tagged.
На смотри у шицких трох возростох наступели трицец тройо рецитаторе, селекторка
на шицких месних смотрох у кулскей општини, та и у Керестуре була професорка
Слободанка Настасич зоз Кули, а консултантка за руски язик Амалия Ковач, тиж зоз
Кули. Рецитаторох у младшим возросту пририхтали Оленка Живкович и Наталия
Зазуляк, а у штреднїм и старшим Ивана Дудаш.
Скорей змагательней часци, наймладши госци зоз керестурского оддзелєня
„Цицибан”, кулскей Предшколскей установи „Бамби”, одрецитовали два писнї,
хторих пририхтали виховательки Емилия Костич и Ксения Вучкович, а пре актуалну
забрану сходу векшого числа людзох, Месна смотра рецитаторох отримана без
публики.
Котри рецитаторе ше з Месней смотри пласую на општинску будзе ше знац док ше
отримаю месни смотри у шицких местох кулскей општини.