ШИД – На 51. схадзки Општинскей ради (ОР) Шид принєшени вецей значни одлуки, медзи нїма Одлука о витвореню проєкту вибудови водоводней мрежи у Бикичу и Привиней Глави, як и о реконструованю обєктох за воду у явней власносци и обєктох фекалней канализациї.
Тиж принєшена и Одлука о вибудови часци водоводней мрежи у Соту и о проєкту вибудови фекалней канализациї у Беркасове, за часци Д2 и Д3.
ОР прилапела финансийни плани месних заєднїцох, хтори буду послати Скупштини општини на потвердзованє, а принєшени и даскельо правильнїки о роботи Општинскей управи, спрам препорукох Державней ревизорскей институциї.