ВЕРБАС – На вчерайшей двацец трецей схадзки Скупштини општини Вербас, медзи иншим, прилапена Одлука о вименкох и дополнєньох Одлуки о Општинскей управи. Вименки подрозумюю и гашенє „Дирекциї за вибудов” як явного подприємства и єй будуце функционованє як оддзелєня, о чим найвироятнєйше будзе одчлучованє на шлїдуюцей схадзки СО самим концом рока.
Прилапене и дополнєнє Одлуки о снованю Явного комуналного подприємства „Комуналац” Вербас, та Ришенє о даваню согласносци на вименки и дополнєня Програми дїлованя Явного подприємства за транспорт путнїкох „Вербас”.
На предкладанє Комисиї за кадрово, административни питаня и роботни одношеня, Скупштина општини за директорку Центру за социялну роботу знова вибрала Наду Батричевич. Попри тим, членїца Школского одбору ОШ „Бранко Радичевич” Саня Лалович розришена тей длужносци, а на єй место вибрана Драґана Бачич.