НОВИ САД – Орґанизациї цивилного дружтва (ОЦД) з Войводини формовали Войводянску инициятиву за ЕУ, чий зададок будзе артикуловац интереси гражданох у процесу придружованя ЕУ.
Войводянску инициятиву формовали Центер за реґионализем, Новосадска новинарска школа, Желєна мрежа Войводини, Асоцияция трошительох Сербиї, Центер локалней демократиї, Нєзависне дружтво новинарох Войводини, Граждански фонд Панония и Рух горякох Войводини.
– Думаме же на тот способ заступаме интереси гражданох Войводини, дїлуєме ґу институцийом и явносци, твориме амбиєнт и условия же би интереси гражданох були заступенши у прегваряцким процесу Сербиї зоз ЕУ – гварел директор Центра за реґионализем Александар Попов. Вон наявел же 17. марца будзе отримана конференция на хторей будзе явно потвердзене сотруднїцтво ОЦД и покраїнских институцийох.
У рамикох тей инициятиви формовани и роботни ґрупи котри ше буду занїмац з прегваряцкима поглавями.