ШИД – У орґанизациї Заводу за културу войводянских Руснацох на вовторок, 9. авґуста, у Шидзе почнє семинар за фахове усовершованє хореоґрафох и танєчнїкох з наших КУД-ох.
На семинаре танєчни крочаї, танци и народни звичаї зоз Шаришу и Земплину будзе викладац хореоґраф Вилиям Микула з Поддуклянского уметнїцкого народного ансамблу (ПУНА) з Прешова, зоз Словацкей, а помагац му будзе танєчнїца у истим ансамблу Мириям Манїкова.
Семинар тирва пейц днї, по 13. авґуст, а госци зоз Словацкей и коло 15 танєчнїки и хореоґрафе з наших местох буду змесцени у Владическей лєтнєй резиденциї.