ДЮРДЬОВ – Вчера у Доме култури у Дюрдьове представителє Центру за социялну помоц „Солидарносц” зоз Жаблю подзелєли новорочни пакецики дзецом з фамилийох котри доставаю социялну помоц.
Пакецики треци рок за шором обезпечени дзекуюци Фондациї АДРА, з проєкту „Дзеци помагаю дзецом”, дзе дзеци з Нємецкей правя и посилаю пакецики фамилийом котрим то потребне у других державох.
У шицких местох у жабельскей општини подзелєни 300 пакецики – по єден фамилийом котри маю дзецко до петнац роки.