КОЦУР – Члени Месней орґанизациї Союзу инвалидох роботи Войводини у Коцуре пред даскельома днями од Општини Вербас на хаснованє достали просториї дакедишнєй млєкарнї у центре валалу, у хторих убудуце будзе їх шедзиско.
Союз инвалидох роботи Коцура постої уж вельо роки, алє ше члени дотераз сходзели у просторийох Месней заєднїци. По одлуки предсидателя Општини Вербас, просториї достали на хаснованє без надополнєня и такой почали з їх ушорйованьом.
Понеже у просторийох нє ришене питанє зогриваня, клуб з роботу почнє аж на яр, а дотля члени коцурскей орґанизациї Союзу инвалидох роботи планую закончиц ушоренє свойого простору.