КУЛА – Општина Кула пондзелок, 26. октобра, здруженьом придала контракти о финансованю їх програмох и проєктох з обласци защити особох з инвалидитетом, за цо з општинского буджету опредзелєни вєдно милион 042 000 динари.
Средства, на основи конкурованя, достали 12 здруженя гражданох и нєвладово орґанизациї, а пре витворйованє актвиносцох пензионерох и здруженьох особох з инвалидитетом.
Пенєж опредзелєни и Апостолскому еґзархату за грекокатолїкох у Сербиї – 240 000 динари, цо средства з керестурского месного самодоприносу наменєни Каритасу за Фонд солидарносци у тим року, алє ше их муши розподзельовац прейґ општинского буджету, односно по конкурсу за проєкти Општини Кула.