КУЛА – Вчера, на Русадля, на Служби Божей у нашей церкви у Кули була и шветочносц з нагоди Першей причасци, хтору прияли дзешецеро дзеци. Дзень пред тим ше перши раз и висповедали.
За тоту подїю першопричашнїкох цали рок пририхтовала ш. Мария Пелих, а по Служби було мированє и обход коло церкви зоз Святима тайнами, на хторим руцани свят. Першопричашнїки достали и памятки на свою Першу причасц.
На концу, у парохийней сали за першопричашнїкох и їх найблїзших орґанизоване и пригодне почасценє, хторе пририхтали їх родичи.