КОЦУР – З Дзецинску, а потим и Вельку Службу Божу, у коцурскей грекокатолїцкей церкви вчера почало преславйованє Першого дня Пасхи, найвекшого християнского швета. Службу Божу служели штирме паноцове – о. Владислав Рац, о. Михайло Шанта, о. Яков Новак и о. Яков Кулич, у казанї о. Шанта пречитал Вельконоцну винчованку владики Георгия Джуджара, а у Служби дзияковали Иван и Марко Недичово.
У порти того року пошвецена тристо єдна кошарка з пасхалним єдзеньом, а кошарки пошвецали о. Яков Кулич и о. Яков Новак.
Нєшка, на Други дзень Велькей ноци у шицких службох будзе мированє.
