РУСКИ КЕРЕСТУР – Перши роботни дзень Медзинародного волонтерского кампу волонтере препровадзели у креативней и веселей атмосфери з дзецми рускокерестурского Оддзелєня „Цицибан” ПУ „Бамби”, дзе млади активисти рисовали по мурох и фарбели ґуми у хторих будзе посадзене квеце. Дзеци госцох привитали зоз шпиванками, цо волонтере прилапели з одушевийом.
Перши дзень на роботу пришло вельке число волонтерох, та робота була швидко поробена. До конца тижня заплановане офарбиц ограду на теметове, ручки, драбинки и ограду на базену и слупи на Хресней драги у Водици.
Як гваря волонтере, свой шлєбодни час препровадзую у упознаваню валалу, ходза на Ноцни турнир у фодбалє, дахто учи и руски слова, а буду мац и орґанизовани нащиви установом у Руским Керестуре.