РУСКИ КЕРЕСТУР – Прешлого тижня, 8. новембра, першокласнїком ОШ „Петро Кузмяк” у Руским Керестуре подзелєни дарунки наставнїка технїчного образованя Мирослава Парошкая з Нового Саду, котри ше занїма з публикованьом рижних едукативних материялох вязаних за транспорт и моделарство.
Од Парошкая керестурски 44-еро школяре перших класох достали кнїжки у хторих модели за виробок животиньох з паперу, цо такой и почали правиц зоз своїма учительками Ясмину Сабадош и Любицу Бучко.