Планчаковей и Барнови награди новосадского Универзитету

автор маз
1.1k Опатрене

РУСКИ КЕРЕСТУР/НОВИ САД – Початком того тижня уручени награди Универзитету у Новим Садзе найлєпшим студентом у вецей катеґорийох, а медзи наградзенима и Даниєла Планчак и Борис Барна з Руского Керестура, котри достали награди за посцигнути успих под час студийох у школским 2014/15. року.

Планчаковей, студентки штвартого року биолоґиї на Природно-математичним факултету то уж друга така награда Универзитету, и тераз ю достала за посцигнути успих у другим року, а просек оценох єй 9,69. Достава и републичну стипендию.

Барна, студент мастер студийох на Факултету спорту и физичного воспитаня, награду достал за треци рок на основних студийох, до кеди му просек оценох бул 9,53. Борис бул преглашени и за найлєпшого студента у перших трох рокох на своїм факултету, доставал републичну стипендию, як и стипендию з Фонду за млади таланти „Доситея”.

ПОВЯЗАНИ ТЕКСТИ