ШИД – У Спортским центре на теренє СТК „Партизан“, а у рамикох 28 Спортских бавискох „Яша Баков“, всоботу отримани змаганя у столним тенису.
Наступели столнотенисере осем екипох зоз наших местох у Войводини и зоз Републики Горватскей и на початтку змаганя були подзелєни до двох ґрупох.
Перше место освоєла екипа РКЦ Нови Сад, друге, КПД „Иван Котляревски“ зоз Бикичу, треце екипа з Петровцох, штварте КПД „Драґутин Драґен Колєсар“ зоз Бачинцох, пияти були Миклошевчанє, шести „ Папивинґ“ зоз Вербасу, седми КПД „Тарас Шевченко“ зоз Дюрдьова и остатнї, осми, КПД „Дюра Киш“.
Орґанизатор и домашнї столнотенисером було КПД „Дюра Киш“, а у Руским доме преглашени побиднїки и отримани полудзенок.
