Повторени Явни конкурс за директора Дома култури

автор я. дюранїн/м. джуджар
570 Опатрене

РУСКИ КЕРЕСТУР ‒ Управни одбор Дома култури Руски Керестур вчера ознова розписал Явни конкурс за вибор и менованє директора тей установи. Як Рутенпрес дознава, конкурс повторени понеже у предходно розписаним конкурсу концом октобра нє були випочитовани шицки предписани технїчни предусловия.

И попри повтореним розписованю, критериюми котри кандидати муша сполнїц остали исти. Попри зоз Законом утвердзених условийох, кандидат муши сполньовац и даскельо общи условия – високе образованє VII ступня, найменєй пейц роки роботного искуства у обласци култури, активне знанє руского язика, потвердзенє же є нєосудзовани за виновни дїла. Кажди кандитат треба же би предложел план роботи и розвою Установи.

Прияви треба посилац на адресу: Дом култури (за Конкурс), Русинска 75, 25233 Руски Керестур. Конкурс тирва 10 днї од дня обявйованя.

ПОВЯЗАНИ ТЕКСТИ