Подобови конкурс „Палета младих”

автор  апм
861 Опатрене

ВЕРБАС – Традицийна манифестация у рамикох Фестивалу поезиї младих у Вербаше – „Палета младих”, хтора афирмує младих талантованих уметнїкох, розписала конкурс за тогорочну манифестацию. Участвовац маю право академски уметнїки, як и студенти закончуюцих рокох уметнїцких факултетох, до 27 роки.

Авторе можу конкуровац з єдну роботу, тема и технїка шлєбодни, а формат роботи штафелайни. Роботу ше приявює у електронскей форми на адресу galerijavrbas@gmail.com

Конкурс отворени по 30. април, а попри роботи, треба придац и основни податки о роботи (назву, технїку, формат и рок кеди настала), як и кратку биоґрафию автора.

Шицки авторе буду обвисцени о резулатотох конкурсу, а тоти котри войду до узшого вибору, свойо ориґинални роботи муша послац по 10. май, лєбо их принєсц особнє до Подобовей ґалериї Културного центру Вербас.

Вистава вибраних роботох будзе отворена у остатнїм тижню мая, у рамикох 47. Фестивалу поезиї младих, а найуспишнєйша достанє 25 000 динари. За вецей информациї мож контактовац Ґорану Бильня, на тел. 064 468 08 95.

 

ПОВЯЗАНИ ТЕКСТИ