РУСКИ КЕРЕСТУР – Покраїнски секретар за високе образованє и науково виглєдовацку дїялносц проф. др Зоран Милошевич початком априла уручел у Новим Садзе контракти и ришеня локалним самоуправом о додзельованю пенєжних средствох.
На основу явного конкурсу, општина Кула достала 1 189 994 динари за реґресованє превозу 109-ерих студентох зоз кулскей општини у медзигородским транспорту у 2019. року. Спред општини Кули, контракт подписала помоцнїца предсидателя Општини Кула, Єлена Павков.
Средства за реґресованє превоза наменєни за студентох на буджету, за студентох хтори нє хасную услуги змесценя и костираня у студентских центрох и хтори нє хасную стипендиї або кредити.