НОВИ САД – У ютрейшим ТВ Маґазину госц будзе млада дохторка Саня Загорянски хтора ше праве тих дньох врацела зоз Тайланду, а патраче годни упознац и єдного майстра зоз Шиду хтори, гоч є у пензиї, ище вше кладзе черепи на закрица. Попри тим, будзе прилог и зоз седмих по шоре Дньох театра „Владимир Сабо-Дайко” у Коцуре. У прилогу з польопривреди будзе слова о карменю буячкох.
По законченю „ТВ маґазина“, на 21 годзину, будзе емитовани нови „Широки план“.
Реприза ТВ Маґазину будзе такой на пондзелок вноци на 2 г. и на штварток на 21,30 г. (по емисиї „Добри вечар, Войводино”).