Почал упис до основней школи за одроснутих

автор мст
915 Опатрене

КУЛА – У ОШ „Петефи бриґада” у Кули и того року ше будзе отримовац наставу за основне образованє одроснутих. То уж штварти рок же ше у Кули орґанизує таку наставу и дотераз 131 школяр достал свидоцтво о законченим єдним з трох циклусох, док 55-еро закончели треци циклус (7. и 8. класу ОШ).

Заинтересовани котри жадаю закончиц основне образованє най ше явя на телефон Школи 723-944, андраґоґови Снежани Радоєвич. Настава почнє штредком октобра, а будзе орґанизовани и безплатни превоз з Руского Керестура до Кули.

Кулска ОШ „Петефи бриґада” єдна з 5 школох у Заходнобачким округу хтора од Министерства просвити верификована за реализованє основного образованя одроснутих.

ПОВЯЗАНИ ТЕКСТИ