Початна цена ИПЦ Кула 3 274 еври

автор зам
986 Опатрене

КУЛА – Як обявене на сайту Аґенциї за приватизацию, капитал Информативно-пропаґандного центру (ИПЦ) „Кула” у Кули, на дзень 31. децембра 2014. року оценєни на 3 833,78 еври, цо углавним оцена вредносци опреми. Початна цена за його предаванє 3 274 еври.

У структуру капиталу Аґенция за приватизацию ма 70,4 одсто вредносци, Акционерски фонд а.д. Беоґрад 15 одсто и други учашнїки у власносци 14,6 одсто.

На предай 100 одсто капиталу хтори у власносци Аґенциї за приватизацию и Акционерского фонду а.д. Беоґрад, цо твори 85,4 одсто цалосного капиталу ИПЦ Кула.

Заинтересовани за купованє документацию можу одкупиц по 7. авґуст, а придаванє понукнуцох по 14. авґуст. Будзе до друга приватизация кулского локалного медию, понеже перша пред даскельо роками була нєуспишна, а як дознава Рутенпрес, терашня вредносц капиталу векша як за першу приватизацию.

У рамикох ИПЦ роби „Радио Кулска комуна”, хтори програму каждодньово емитує на трох язикох, тижньово и на українским и нємецким язику, як и новини „Кулска комуна”, хтори тераз виходза раз мешачно.

 

ПОВЯЗАНИ ТЕКСТИ