РУСКИ КЕРЕСТУР – Тогорочни традицийни 6. Ноцни турнир у малим фодбалу 3 на 3 у Руским Керестуре почнє на соботу, 2. авґуста и будзе ше бавиц на терену у Старей школи.
Вицагованє екипох будзе отримане пияток, 1. авґуста, кед ше будзе, як заплановане, перше бавиц по ґрупох, а потим будзе нокаут фаза.
У екипи найвецей можу буц приявени 6 бавяче, док котизация виноши 5 тисячи динари.
Наградни фонд Ноцного турнира у малим фодбалу 3 на 3 розпоредзени на шлїдуюци способ: попри медальох и погарох, побиднїк турнира освої 35 тисячи динари, другопласовани освої 15 тисячи динари, док трецепласована екипа освої 5 тисячи динари. Тиж буду награди за найлєпшого бавяча и стрильца турнира.
Шицки информациї мож достац на числа телефонох: 065/33-73-006 Янко Хома и 065/51-19-779 Иван Чапко.
Орґанизатор ноцного турнира у малим фодбалу 3 на 3 Янко и Иван.