РУСКИ КЕРЕСТУР – Обновени криж на штред теметова, внєдзелю на 16 годзин парох керестурски о. Владислав Варґа и капелан о. Владимир Медєши пошвецели, а потим одслужели Панахиду за покойних у присустве велїх вирних.
Уж традицийно, Панахиду ше служи на нєдзелю Шицких святих кед ше вирни приду помодлїц за своїх покойних.
Як виявел о. Варґа, зоз грамоталним або соборним богослуженьом за шицких ту похованих, молитву котру нам Исус дал як обовязку модлїц ше за мертвих. Тота молитва моцна праве прето же є заєднїцка, бо ше вєдно у Христу модлїме и ми на жеми, и души у чистилїщу и шицки святи.
Обновени криж пред пошвецаньом очисцени од маховини, а розпяце намальовала мала шестра Мартина. Од стредствох котри ше достало по конкурсу од Општини Кула преширело ше и пооправяло дражки, а Церковни одбор ше, вєдно зоз тутором теметова Михайлом Рацом, стара же би теметов бул покошени и пошорени.
