БЕОҐРАД – Министерство просвити, науки и технолоґийного розвою наявело вименки у обласци учебнїкох, та пошвидко ма буц зменшана лїстина на хторей ше тераз находза 1 700 учебнїки за основни школи, а будзе и зменшане число лиценцох за видаванє школских кнїжкох.
За кажди предмет ше будзе виберац комплет учебнїкох спомедзи виданьох найменєй трох, а найвецей шейсцох видавательох. Министерство просвити з нову праксу планує завесц шора, понеже тераз першокласнїки сербски язик могли учиц зоз 48, а математику зоз 35 учебнїкох розличних видавательох. Нови правила ше почнє применьовац од идуцого школского року.
По 31. януар видавателє можу приявиц учебнїки за идуци три роки, а школи буду виберац найквалитетнєйши. Штредком фебруара Министерство обяви конєчни список, на основи хторого ше будзе правиц Каталоґ учебнїкох.