БЕОҐРАД – Термин за придаванє вимогох за виробок новей, електронскей здравственей кнїжочки виходзи 31. децембра и замена тераз у полним розмаху и на шалтерох и прейґ интернету, односно електронскей управи (Е-управи).
Понеже стара здравствена кнїжочка престава важиц 31. децембра, та кед здравствени осиґуранїки по тамаль нє придаю вимогу за нову карточку, лєбо ю нє достаню до конца рока, перше треба овериц стару кнїжочку, же би була важца по виробок новей.
После придаваня вимоги за нову карточку, у филияли Фонду за здравствене осиґуранє ше достанє формулар-потвердзенє же ше мож лїчиц. Филияла РФЗО потвердзенє видава шицким осиґураним особом котрим кнїжочка вишла, без огляду чи вимогу за виробок новей придали на шалтеру, чи прейґ Е-управи.