СЕРБИЯ – Шицки медиї хтори би мали буц приватизовани, до пиятку, 19. юния, муша придац шицку документацию за приватизованє, сообщене з Аґенциї за приватизацию Сербиї. Явна поволанка за предаванє капиталу тих медийох мала би буц обявена по 1. юлий.
Аґенция здогадла же зоз Законом о явним информованю и медийох предписане же кед по 1. юлий капитал медийох хтори у державней власносци нє будзе предати, поступок предаваня престава, а капитал ше будзе приватизовац з преношеньом на занятих. Кед заняти нє прилапя понукнути безплатни акциї, медий будзе загашени.