РУСКИ КЕРЕСТУР – Одбор за културу Националного совиту (НС) Руснацох концом марца розписал Конкурс за орґанизованє манифестацийох у обласци защити нєматериялного културного нашлїдства и уметнїцкей творчосци Руснацох у 2019. року, а котри тирва по 30. април.
По пропозицийох, Одбор за културу будзе софинансовац проєкти орґанизованя манифестацийох котри у Календаре репрезентативних манифестацийох, а на нїм можу участвовац здруженя гражданох, установи и други орґанизациї.
Прияви ше подноши виключно на формуларох хтори мож достац у просторийох НС Руснацох, на интернет боку www.rusini.rs, як и на правим боку на сайту „Руского слова”.