НОВИ САД – Новинарска асоцияция Руснацох (НАР) и Завод за културу войводянских Руснацох (ВР) орґанизую єднодньову едукативну роботню о писаню предкладаньох проєктох. Роботня будзе отримана 6. новембра у Новим Садзе, а шицки заинтересовани най ше приявя по стреду, 4. новембра.
Едукация будзе у просторийох Заводу за културу ВР (Футожска 2/3), учашнїки на нєй звекшаю свойо знаня и схопносци за писанє проєктох, а роботня би мала оспособиц и за будуци заєднїцки конкурованя за средства од домашнїх и медзинародних донаторох и до ЕУ-фондох. Єден з цильох роботнї и порушованє сотруднїцтва и тимскей роботи.
Прияви за участвованє на роботнї по 4. новембер треба послац до Заводу за културу ВР, на е-адресу: zavod.rusini@gmail.com
Як гваря орґанизаторе – число учашнїкох огранїчене, та ше треба на час приявиц, а вецей информациї мож достац на тел. (021) 548-421.