ШИД – Центер за социялну роботу Шид достал авто „шкода рапид”, рахункарску опрему и канцеларийни мебель хтори доновало Министерство за роботу, обезпечованє роботи, социялни и борецки питаня, а вредносц донациї 2,1 милион динари.
Директорка спомнутей социялней установи Драґана Шинка за Рутенпрес виявела же ше нєодлуго обчекує випоручованє авта, а рахункарска опрема и мебель за канцелариї уж випопручени.
Установа тераз будзе хасновац два превозки, цо олєгча роботу на терену понеже, крем у городзе, Центер дїялносц окончує и у 18 местох општини.