КУЛА – Општина Кула розписала Явну поволанку за даванє предкладаньох за наградзованє спортистох и спортских клубох за посцигнути резултати у 2015. року – на змаганьох у нашей жеми и иножемстве. Награда будзе пенєжна, а Явна поволанка тирва по 21. децембер.
За тоту намену опредзелєни вєдно милион 400 000 динари, а найлєпши спортисти и клуби достаню єднократну пенєжну награду, чия висина завиши од числа приявених.
Предкладаня, з толкованьом и доказом о посцигнутих резултатох, треба придац найпознєйше до 14 г. 21. децембра на Писарнїцу Општинскей управи, а Явна поволанка у цалосци обавена на веб-сайту општини Кула www.kula.rs