БЕОҐРАД – Пре звекшанє приходох у буджету, до Скупштини Сербиї сцигол Предлог виманкох Закона о акцизох, хтори предвидзує же од 1. януара 2016. року буду векши акцизи на гориво и алкоголни напої.
Влада предложела же би ше акциза на оловни бензин звекшало з 50 на 52,5 динари, а на безоловни з 50 на 54 динари по литри.
Як потолковали предкладателє, окрем полнєня буджету, акцизу на алкоголни напої треба звекшац же би ше одбило младих од хаснованя алкоголу, а акцизи на алкоголни напої би мали буц звекшани штреднє за два одсто.
Акциза на овоцово палєнки и вино би место терашнєй 121,89 динари, мала буц 124 динари по литри, а на палєнки зоз житаркох 316, место 309,23 динари. За напої з меншим процентом алкоголу предвидзена акциза 21 динар, а на пиво 24 динари по литри.