Предложене снованє Совиту за безпечносц Општини Шид

автор влдї
859 Опатрене

ШИД – Општинска рада (ОР) Шид на вчерайшей схадзки предложела же би ше основало Совит за безпечносц Општини Шид, потребни пре, як визначел предсидатель ОР Никола Васич, положенє општини хтора на гранїци и пре актуалну миґрантску кризу. Скупштина општини розпатри спомнути предлог и принєше одлуку.

На ОР прилапена програма хаснованя средствох буджетного фонду за защиту и унапредзованє животного штредку у општини Шид, з акцентом на ушоренє дзивих депонийох шмеца.

ОР прилапела и програми дїлованя за 2016. рок ЯКП „Водовод”, „Стандард”, Културно-образовного центру, Ґалериї „Сава Шуманович” – институциї култури од националного значеня, Туристичней орґанизациї, як и Дому здравя Шид.

Прилапени и финансийни плани Месних заєднїцох Адашевци, Бачинци, Батровци, Сот, Бикич и Вишнїчево за 2016. рок, вименка програми хаснованя средствох за унапредзованє безпечносци транспорту на подручу општини, а основана и трочлена комисию за розпатранє предлогох хтори сцигли на конкурс за финансованє и софинансованє проєктох з обласци явного информованя.

ПОВЯЗАНИ ТЕКСТИ