КОЦУР – На вчера вечар отриманей Скупштини Здруженя спортских рибарох „Шуль” з Коцура, предсидатель Милан Ракич и подпредсидатель Микола Шанта дали задзекованя на тоти длужносци у Здруженю.
На схадзки присуствовала вецей як половка членох Здруженя, а попри задзекованя руководзацих, як поведзене – пре здравствени причини, односно нєпостоянє дальших условийох за роботу, рибаре бешедовали и о проблемох коло дозволох за лапанє риби и о рибокрадошох.
На вчерайшей схадзки члени ше нє могли порадзиц же хто превежнє функцию предсидателя Здруженя, та одлучене же пошвидко будзе зволана нова Скупштина, по хтору ше пририхта мена кандидатох за чолни длужносци у Здруженю рибарох. Кед же нє будзе заинтересованих, Здруженє годно и престац з роботу, гварене на вчерайшей схадзки.