НОВИ САД – У Дзецинскей заградки „Ґуливер” у Новим Садзе вовторок представена нова, напредна технолоґия за дезинфикованє просторийох, хтора знїщує бактериї и вигодна є за установи у хторих пребуваю дзеци.
Технолоґию з новим препаратом на бази водонїк-пероксиду и стрибла, хтори нє виволую реакциї и нє охабяю шлїди, а знїщую микоорґанизми, у дзецинскей заградки представел др Мирослав Бесерменї, як заступнїк продукователя зоз Швайцарскей за Сербию и жеми на просторе бувшей Югославиї.
Як гварел член Городскей ради Нови Сад задлужени за здравство Золтан Хорват, нова технолоґия ма числени сертификати и применює ше ю у ЗАД и у европских державох, та после детальней анализи, окремни фахови тим одлучи чи ше ю будзе хасновац и у новосадских дзецинских заградкох.