БЕОҐРАД – Гражданє котри жадаю витвориц право на пензию по тогорочних условийох, то муша зробиц найпознєйше по 31. децембер, з тим же роботне одношенє муша розтаргнуц найпознєйше 30. децембра – информує Републични фонд за пензийне и инвалидске осиґуранє (ПИО).
Од 1. януара 2017. року за жени условиє за старосну пензию будзе 61,5 рок живота и найменєй 15 роки стажу, а условиє за скорейчасову старосну пензию за жени нарок ше подзвигує на 55 роки и 8 мешаци живота и 37,5 роки роботного стажу. Того року то було 61 рок живота и 15 роки стажу, а за скорейчасову пензию 55 роки живота и 37 роки роботного стажу.
За хлопох од 1. януара условиє за скорейчасову старосну пензию ше подзвигує на 56 роки и 4 мешаци живота и 40 роки роботного стажу.
По Законє о ПИО, хтори важи од 1. януара 2015. року, условиє за старосну пензию за жени ше сукцесивнио подзвигує кажди рок, по 2032., кеди условия за жени и хлопох буду виєдначени – 65 роки живота и найменєй 15 роки стажу.