КУЛА – Општинска рада Кула штварток, 22. октобра, прилапела Предлог длуки о ребалансу буджету за тот рок, а конєчну одлуку о ребалансу принєше Скупштина општини на пияток, 30. октобра. По Предлогу ребалансу, вкупни приходи и розходи Општини Кула виноша милиярду 742 милиони 826 000 динари, а у нїм будзе и ребаланс буджету керестурскей Месней заєднїци.
Рада прилапела и звит о окончованю Одлуки о витворйованю буджету од 1. януара по 30. септембер того року, дзе за перши 9 мешаци витворени приходи були 845 милиони 123 339 динари, а розходи 649 милиони 515 530 динари. Звишок од 335 милиони розпоредзени за инвестицийни укладаня.
На схадзки Ради прилапени и Предлог Рочней програми защити, хаснованя и ушореня державней польопривредней жеми, як и дзепоєдни други ришеня и нариси одлукох хтори пошвидко буду розпатрани на Скупштини општини Кула.