РУСКИ КЕРЕСТУР − Млади од 15 до 35 роки котри жадаю наступиц на тогорочним Фестивалу „Червена ружа”, як и авторе нових руских дзецинских шпиванкох хтори буду виведзени на тогорочним 51. „Червеним пупчу” свойо прияви можу послац по 20. април.
Пропозициї котри одредзел и наведол Програмни одбор у Явней поволанки, як и Конкурс за нови руски дзецински шпиванки ище скорей обявени на нашим сайту www.ruskeslovo.com, а мож го достац и у Доме култури котри и орґанизатор Фестивала култури „Червена ружа”.
Роботи треба посилац найпознєйше по соботу на адресу Дома култури (з назначеньом: за конкурс), Русинска 75, 25233 Руски Керестур, а млади ше можу приявиц и на имейл ivana.dudass@gmail.com.
Тогорочни Фестивал будзе отримани 28. юния.