СЕРБИЯ/РУСКИ КЕРЕСТУР – Министерство просвити по 24. марец предлужело термин за приявйованє школярох основних школох за безплатни учебнїки, а школи до конца мешаца прияви маю прешлїдзиц до Министерства, дознава „Рутенпрес” у управи керестурскей Школи „Петро Кузмяк”.
И у тей Школи тирва приявйованє школярох чийо родичи жадаю конкуровац за пенєж од держави за купованє учебнїкох, и то за школярох од другей по осму класу. Будуци першокласнїки, прияви годни придац при уписованю до школи.
Право конкуровац за безплатни учебнїки маю родичи слабшого материялного положеня по 11 основох, а хтори буду подзелєни до двох катеґорийох – баржей и менєй загрожени. Баржей загрожени годни достац полну суму – 8 000 динари, а други половку менєй, и то у зависносци од возросту школяра.
Прияви и информациї о потребней документациї хтору маю придац за безплатни учебнїки родичи можу достац у школох у своїх местох.