РУСКИ КЕРЕСТУР – У рускокерестурекей Основней школи „Петро Кузмяк” вчера бул шветочни приєм за 44-их будуцих першокласнїкох, котри тераз закончую Пририхтуюцу предшколску програму у дзецинскей заградки „Цицибан” ПУ „Бамби” з Кули.
Будуцих школярох привитала директорка Школи Хелена Пашо Павлович, а потим их, на основи розподзельованя хторе окончела фахова служба Школи, їх будуци учительки Любица Бучко и Ясмина Сабадош привитали у своїх двох оддзелєньох, до хторих почню ходзиц 1. септембра.
Школяре штвартей класи спомнутих учителькох першокласнїком з тей нагоди виведли кратшу програму, а и предшколски дзеци, предводзени з виховательками Емилию Костич и Ксению Вучкович, виведли даскельо рецитациї.
